SVP Mittelland Süd
SVP Mittelland Süd
SVP Mittelland Süd
SVP Mittelland Süd
SVP Mittelland Süd
SVP Mittelland Süd
SVP Mittelland Süd
SVP Mittelland Süd
SVP Mittelland Süd

Ig bi dr Patric Brächbüehl. Wohne tue ig mit mir Frou Heidi u üsnä zwo Töchtere, Annika u Milena, z`Bowiu. Dert hei mir ä chlyne Sümmerigsbetrieb mit öpe 20 Geisse u näs paar Guschti über die warmi Zyt. O süsch hei mir no äs paar chlyni Nutztier. 

I ha ä Lehr aus Lastwagemech u Speter no d‘ Witerbiudig zum Outomobildiagnostiker gmacht. Uf däm Bruef hani o 10 Jahr gwärchet. Ytz bi i aus Lokführer u Mechaniker bire Privatbahn tätig.

 

Im Ortsverein Bowiu u bir SVP Bowiu hiufe i im Vorstang, ir SVP Mittuland-Süd macheni dr Kassier. Die 10 obligatorische Üebige vor Füürwehr Bowiu bsuecheni o scho syt äs paar Jahr. Witer bin i au Jahr aus Expert a de Lehrabschlussprüefige vo de Outomobilmechatroniker u Outomobilfachlüt drby.

 

I mir Freizyt gniesseni d`Schönheit vor Schwyzer Natur äm liebschte ufäm Töff u ga öpe o mau äs paar Tag ids nechere Usland. Wüu i mängisch düre Tag nid gnue Ysebahn ha, muess i am Abe no chly Modäuysebähndle. Drnäbe gytz ömu de sicher geng Arbyt dehei mit Huus, Waud u Land.

 

I setze mi y für:

  • Nä sterchig vor Bruefslehr u äm zwöite Biudigswäg.
  • Für nä Soziaupolitik wos dene besser söu ga wo probiere zue sich säuber z‘ luege.
  • Für nä Schueu wo üser Ching ufds Läbe vorbereitet u vylech o chly ystimmt, aber Erzoge resp. Vorgläbt söu ir Familie wärde.
  • Ganz Augemein sött aune wo probiere sich säuber dür z‘ Läbe zbringe chly weniger Steine i Wäg gleit wärde. Sprich meh Freiheit aber o meh Eigeverantwortig. U we dr Stürfranke nid für so viu Sache müesst länge, hät mä änds Jahr o chly meh unger dr Matraze.

I danke aune im vorus wo mir am 25. März z’vertroue mit ihrere Stimm schänke. Merci.

 

Termine

30 Jun 2021 - 30 Jun 2021
weitere Termine im Kanton Bern
30 Dez 2021 - 30 Dez 2021
weitere Termine im Kanton Bern

Facebook